返回列表 發帖
Share |

[政治 & 社會] #政治你懂嗎 - 喂!你愛唔愛國

愛國查實同相對論一樣,有廣義同狹義既分別。
孟子、孫中山、毛澤東、蔣介石,我諗都算得上愛國喇卦。

孟子、孫中山,愛既係以民為本嘅國。孟子曰:民為貴,社稷次之,君為輕。贊同若君主無道,人民可推翻政權。孫中山主張民族、民權、民生。係廣義既愛國論者。
毛澤東、蔣介石,愛既係自己當家作主嘅國。毛澤東推崇個人崇拜,為鞏固政權發動一系列嘅社會運動,做成數千萬中國人非自然死亡。中華民國代總統李宗仁對蔣介石說:「你主政二十年,貪贓枉法之風甚於北洋政府時代。」退居台灣仍以獨裁手段,力保蔣家皇朝。無疑是狹義既愛國者。

所以嘛,愛國唔一定要擁護政權,對整個國族既福𧘲、人民生活素質既關注,先係對國家既大愛。
而家共產政權歷經數十年培養出既國民,大多擁有嘅唔係廣義既愛國,只係一種大國沙文主義,即係極端、不合理、過分嘅愛國主義。
其實國家、領土甚麼的,現階段只係統治者既私產。人民投入,叫嚷呢度要多啲、果度不能少,簡單啲叫做自作多情,因為多咗你分唔到,少咗你冇損失。
當然「愛國教育」就係咁既一回事,教大家為一啲與自己無關既事情高興,或者反感。其實佢哋反對港獨台獨之類都係一樣,他們唔可以同主子分享財富,但係真心擔憂主子既私產會少咗一角。

返回列表